Blogger Kalteng

En Ulihkah Itah Toh Haluli Kilau Huran, Gita Tuntang Uwei Tege Rega?

BLOGGER KALTENG (Palangka Raya) - Toh aku handak manenga informasi akan itah, terutama pemerintah Provinsi Kalimantan Tengah. Kawan pahari je melai lewu itah desa kanih tege manelpon, bakesah angat kasusah ewen. Bahali kua manggau gawian, tege gawian melai sawit, jadi sangkatik uluh kua.
"Itah je mina petak danum akan sangkatik uluh ih ampi, padahal melai likut huma ih. En kah puna jadi nasib ampi kalotoh en masih ulih mampahalap ah", kua bakesah.
Kuan mama ku te, aku jadi taingat kuan tokoh itah Dayak, Bapak Tjilik Riwut nah "ela sampai tempun petak manana sare, tempun kajang bisa puat” (jangan sampai punya kampung halaman tapi tinggal dipinggiran ; punya tempat berteduh dari hujan, tapi kebasahan).

Dia kia pang manurut kuh ewen te mangeluh, tapi masih tege je harapan ewen handak haluli kilau huran. Gita tuntang uwei masih tege rega. Bihin kua masih tege gawian maruntih, mamantat tuntang manetes. Malaok, ampin laok ah sasar jatun. Narai handak malaok, lepah jadi sungai ngeruk ewen perusahaan.

Ela manggau am sungei je tamam huran akan mamisi, telok je kuan itah huran are laok ah nah, bilis gin jatun, ela hindai handak manggau tampahas.

Jadi, toh aku handak manyampai auh mama ku te akan itah uras ah. Masih tege kah harapan kilau huran regan gita tuntang uwei mandai rega.

Bahasa Dayak Ngaju.
Jika ingin mendapat terjemahan, silakan hubungi kami lewat email.

***
Debu Yandi | Blogger Kalteng

Berkomentarlah secara bijaksana dan bertanggung jawab.

Post a Comment

Berkomentarlah secara bijaksana dan bertanggung jawab.

Post a Comment (0)

Previous Post Next Post